ميرو ( أميرة خيري )

يمكن محدش كان ممكن ياخد باله منها ... اصلها كانت زي اي بنت .. ويمكن لأنها كانت برده مختلفة عن اي بنت ... قليلين اللي دخلوا حياتها ... و أأقل اللي فضلوا فيها ... كل اللي اتكتبلها انها تعيشه 30 سنة تقريبا

اعرفها من زمان ... بس زادت العلاقة اوي في أخر 1999 ... اول سنة كلية ... بس علاقتي طبعا بأختها ( آلاء - لولا ) طبعا كانت أقوى بكتير .. بحكم حاجات كتير أهمها طريقة التفكير

الخضة اللي اتخضتها من الخبر مش كنت متخيلاها ... اتصدمت من نفسي و من حزني عليها .. اه عشرة و اصحاب و كل حاجة و مع ذلك اتصدمت ... حسيت عمرنا قصير اوي ... اول مرة احس ان الموت قريب مني اوي كده ... سبق أميرة ناس تانية ..ز اصحابي برده ... حمادة و كيمو ... بس المرة دي كانت اصعب .. كانت أقوى .. كانت أقرب ... و يمكن ده اللي ملخبطني لحد دلوقتي ... و اعتقد اني هافضل كده لفترة

امبارح كلمت لولا بليل اطمن عليها ... و ربنا وحده اعلم قد ايه كان نفسي اكون جمبها في الوقت ده ... مش عرفت اقولها ايه تاني غير اني اصبرها و اقولها تقرا ليها قرآن ... لقيت لولا بتقولي إن أميرة قبل ما يتوفاها الله قالتلها تقولي انا و شيرين و رانية اننا مش نزعل منها ... آلاء قالتلي انها فضلت تقولها الكلمة ده كذا مرة

وجعني اوي الكلام و حلفت للولا اني مش زعلانة منها في حاجة و انا فعلا كده ... و كان نفسي إن أميرة هي اللي تسمع مني الكلام ده

إنا لله و إنا إليه راجعون

الله يرحمك يا ميرو و يغفر لك و يتوب عليكي ... كان نفسي تعيشي مبسوطة اكتر ... و مرتاحة أكتر ... و قوية اكتر

بس أكيد المكان اللي فيه دلوقتي احسن بكتير من اللي احنا فيه

أكيد ربنا أحن عليكي من كل اللي هنا ... و مش هاقدر اقول غير ربنا يرحمك و يصبر أهلك

أميرة ... و الله انا مش زعلانه منك ... اه كنت بس خلاص مش بقيت كده

ربنا يصبرك يا لولا ... و أنا بجد كان نفسي اكون معاكي دلوقتي

Bleeding Heart

We met for a moment and then it's goodbye
but i just lived a lifetime with you in my mind

What would it be to live in your world
If you were my boy and I was your girl

It's crazy this spell you have me under
I know it can't be but I'll always wonder

What would my life be living in your arms
I feel I'll never know
and what would you say
If i were to stay
and just go your way

This is where you lose your mind
and just let your heart unwind
You're blind don't lose control
You're mind don't lose it all

Could you fill in the blanks in my story
tell me what I'm missing what you could be for me
what would i find if i followed your path
all the things I long for that I've never had

It's crazy this spell you have me under
I know it can't be but I'll always wonder

What would my life be living in your arms
I feel I'll never know
and what would you say
If I were to stay
and just go your way

مشوار لابد منه

اول ما رحت هناك و شفته ... حسيت قد ايه فعلا الوقت عدى ... 13 سنة على اخر مرة كنت هناك .... بس هو لسه زي ما هو ... الطيبة اللي باينه عليه .. صوته الهادي ... النظارة ... كلامه واحدة واحدة ... و ساعتها قلتله انت مش فاكرني ... و فعلا فكرته بنفسي .. انا حتى تقريبا حكيتله اليوم كله ... لما كنت عنده اول مرة1996 ... و انا كنت دايما بستغرب ليه فاكرة كل التفاصيل ده

د.موسى سلامة جبر ... واضح ان الرجل ده لا يمكن هاستغنى عنه ... من أحسن الناس اللي شفتهم .. و رغم اني مش بحب اصلا اروح لدكاترة بس واضح إني كان لازم اروحله ... فكرت اني اكبر دماغي ... بس للضرورة احكام ... مش عايزة اجي بعد كده و اقول يا ريتني مارحت ... و من بعد ما رجعت الكويت تاني فعلا كان نفسي اروح ازوره و اقوله شكرا ... بس مش عارفة ليه مش رحت .. و واضح ان مكتوب عليا مش اروح هناك غير و انا فعلا محتاجه له

طبعا كتبلي على علاج ادوية و جلسات .. 12 جلسة لمدة شهر ... اسوأ ما في العلاج .. اني لازم اتغدى و اتعشىعشان الأدوية ... وبدأت اول جلسة امبارح و انا عنده ... و رغم ان وقت الجلسة قليل ... بس مش عارفة ليه مش كنت طايقة نفسي و انا واقفة قدام الجهاز ده

جسمي بياكل في نفسه ... ده الكلام اللي قاله د . سلامة ... وانا كنت عارفة كده ... بس فكرت هيقولي اجابة تانية ... و ساعتها قلتله يعني بدل ما مناعتي تتشطر ع الغريب بتتشطر عليا.

ربنا يجعل العلاج ده بفايدة ... لأن بجد الموضوع زاد معايا بالذات لما بتعرض للحر و الشمس و الحمد لله الكويت مفيش العن من حرارة الشمس فيها