فنجان قهوة

تيجي نشرب فنجان قهوة

عارفاك عامل زيي

بتيجي على بالك سهوة

تكلمني ... تقابلني

و يجمعنا فنجان القهوة

في كافيه قريب منا

كل اللي هناك عرفنا

لدرجة حفظوا طلبنا

ازازة مية و 2 فنجان قهوة

حتى في المطعم اياه

اللي بتغدى فيه وياك

اول حاجة بعد الغدوة

لازم ناخد فنجان قهوة

سادة - مضبوطة - و زيادة

مش فارقة كتير ويانا

البن ريحته تفرحنا

زي عيال رايحة بتلعب

بس احنا عيال غير

نتقابل .. نتكلم ... و نهوى

و يفضل بينا 2 فنجان قهوة